कांग्रेस केन्द्रीय समितिको बैठक आज बस्दै, बैठकमा विधानलाई अनुमोदन गरिने

<p>काठमाडौं, फागुन १३ । नेपाली कांग्रेस केन्द्रीय समितिको बैठक आज बस्दै छ । पार्टी केन्द्रीय कार्यालय सानेपामा बस्ने बैठकमा विधानलाई अनुमोदन गर्ने कार्यसूची छ ।</p> <p>शनिबार बसेको संसदीय दलको बैठकले पार्टीको विधान परिमार्जनसहित पारित गरेको थियो ।</p> <p>संसदीय दलको बैठकले डा. मीनेन्द्र रिजालले प्रस्तुत गरेको विधानलाई पारित गरी अनुमोदनका लागि केन्द्रीय समितिमा पठाउने निर्णय गरेको थियो ।</p> <p>केन्द्रीय समितिले विधान अनुमोदन गरेपछि संसदीय दलको नेता चयन प्रक्रिया सुरु हुने छ ।</p> <p>कांग्रेसको संसदीय दलको नेतामा पार्टी सभापति शेरबहादुर देउवा, महामन्त्री डा. शशांक कोइराला र नेता प्रकाशमान सिंहले दाबी गर्दै आएका छन् ।</p> <p>यसअघि हिजो बसेको संसदीय दलको बैठकले छायाँ सरकार गठन गर्नेसमेत निर्णय गरेको थियो ।</p>

from Imagekhabar http://ift.tt/2CilDai