मकैको घोगामा दाना नलागेपछि किसानलाई चिन्ता

<p>रौतहट, फागुन १३ । रौतहटको उत्तरी क्षेत्रमा लगाइएको मकैमा दाना नलागेपछि किसान चिन्तित बनेका छन् ।</p> <p>चन्द्रपुर नगरपालिकाको वडा नम्बर २, ३, र ४ मा ४० बिगाहाभन्दा बढी जमिनमा लगाइएको मकैको घोगामा दाना नलागेपछि किसान चिन्तित बनेका हुन् ।</p> <p>कतिपय किसानले अरुको जग्गा भाडामा लिएर खेती गर्दै आएका थिए ।</p> <p>गत कात्तिकको पहिलो सातामा रोपेको हाईब्रिड बन्नी र श्रेष्ठ जातको मकैमा दाना नलागेको छ । यसले किसानको लगानी नै डुबेको छ ।</p> <p>सरकारले नै सिफारिस गरेको उन्नत जातको मकैको बीउ चन्द्रनिगाहपुरका मंगलेश्वर, मैनाली र पूजा एग्रोभेटबाट खरिद गरेर खेतमा लगाएको किसानहरुले बताएका छन् ।</p> <p>प्रतिकिलो ६ सय रुपैयाँका दरले किसानले बिउ खरिद गरेका थिए । यो जातको मकैले ९० दिनभित्रै उत्पादन दिने विश्वास किसानको थियो ।</p> <p>मकै खेतीका लागी आधारक्षेत्र मानिएको रौतहटको चन्द्रपुर नगरपालिकाअन्तर्गत गैंडाटार, जुडिबेला, ठाडाटोलमा यसवर्ष मकैमा दाना नलागेपछि किसानको करोडौंको क्षति भएको छ ।</p> <p>चन्द्रपुर नगरपालिकाको कृषिसम्बन्धी फोकल पर्सन राममंगल चौधरीले तापक्रम नमिलेकाले मकैको घोगामा दाना नलागेको हुन सक्ने बताए ।</p>

from Imagekhabar http://ift.tt/2sRHAcr